Գլխավոր էջ » Հոդվածներ » Սպորտային նորություններ |
Ֆաբիու Կոենտրաուի և Մարսելոյի վնասվածքներ ստանալուց հետո «Ռեալ»-ը լուրջ խնդիրներ ունի պաշտպանության ձախ անկյունում: Լուրեր էին շրջանառվում անգամ, որ «արքայական ակումբ»-ի ղեկավարները ցանկանում են կարճաժամկետ պայմանագիր ստորագրել Ռոբերտո Կառլոսի հետ, որպեսզի ինչ-որ կերպ շտկեն իրավիճակը: Ավելի իրական է, սակայն, որ մադրիդցիները կդիմեն Էշլի Քոուլի ծառայություններին, ինչի մասին տեղեկացնում են բրիտանական մի քանի պարբերականներ: Ըստ երևույթին, «Չելսի»-ի 31-ամյա պաշտպանը վերջին մրցաշրջանն է անցկացնում լոնդոնյան ակումբում: Ֆուտբոլիստի պայմանագրի ժամկետն ավարտվում է ամռանը, իսկ ակումբի կողմից առաջարկվող 1-ամյա նոր պայմանագիրը վետերանը չի ցանկանում ստորագրել:
Ակնկալվում է, որ արդեն հունվարին Ժոզե Մոուրինյոն կփորձի ձեռք բերել Քոուլի իրավունքները: Տրանսֆերային գործարքը 6 մլն ֆունտ է գնահատվում: Այդ գումարը կարող է բավարարել «Չելսի»-ն, եթե հաշվի առնենք, որ ևս 6 ամիս անց ֆուտբոլիստը կարող է լքել ակումբը բոլորովին անվճար: Հիշեցնենք, որ Քոուլի ծառայություններով են հետաքրքրված նաև «Միլան»-ն ու ՊՍԺ-ն: | |
Դիտումներ: 439 | - Վարկանիշ -: 0.0/0 |
Մեկնաբանություններն ընդամենը՝: 0 | |